Gallwch chi greu aseiniad grŵp drwy ddefnyddio’r blwch ticio Aseiniad Grŵp. Mae Canvas yn defnyddio setiau grŵp i roi aseiniadau grŵp, ac mae angen pob grŵp yn y set grŵp sydd wedi’i roi i’r aseiniad i gwblhau’r aseiniad. Wrth greu neu olygu aseiniad grŵp, gallwch roi aseiniad i grwpiau penodol. Hefyd, gallwch osod gwahanol ddyddiadau erbyn a dyddiadau ar gael i grŵp o fewn aseiniad sydd wedi’i roi i weddill y dosbarth.
Bydd angen i chi roi set grŵp fel rhan o’r aseiniad. Gallwch chi ychwanegu set grŵp sydd eisoes yn bodoli, neu gallwch chi greu set grŵp newydd fel rhan o'r aseiniad ac ychwanegu myfyrwyr at grwpiau yn nes ymlaen. Ond, os byddwch chi’n creu set grŵp gydag aseiniadau grŵp hunan-gofrestru neu eich hun ni fyddwch chi’n gallu defnyddio’r set grŵp nes bod defnyddwyr wedi cael eu hychwanegu at yr is-grwpiau hyn. Does dim modd defnyddio grwpiau wedi’u creu gan fyfyrwyr ar gyfer aseiniadau grŵp.
Pan fydd Mwy nag un Cyfnod Graddio ar waith mewn cwrs, mae’r aseiniadau hefyd yn cadw at gyfnodau graddio sydd wedi dod i ben.
Nodiadau:
- Mewn aseiniadau grŵp bydd un cyflwyniad yn cyfrif ar gyfer y grŵp cyfan. Rhagor o wybodaeth am werthuso gwaith grŵp.
- Does dim modd defnyddio aseiniadau grŵp gydag aseiniadau Adnodd Allanol.
- Dylai myfyrwyr gael eu rhoi mewn grwpiau cyn i aseiniadau grŵp gael eu cyhoeddi. Efallai y bydd effaith ar raddau a chyflwyniadau myfyrwyr a oedd ddim yn y grŵp adeg cyflwyno’r aseiniad ond a gafodd eu hychwanegu at y grŵp yn nes ymlaen neu fyfyrwyr a gafodd eu tynnu o’r grŵp.
- Os oes mwy nag un dyddiad yn berthnasol i fyfyriwr, bydd Canvas yn rhoi'r dyddiad erbyn diweddaraf i'r myfyriwr. Er enghraifft, os yw dyddiad erbyn y grŵp yn 18 Tachwedd a bod y dyddiad erbyn unigol y myfyriwr yn 20 Tachwedd, yna bydd y myfyriwr yn cael dyddiad erbyn o 20 Tachwedd.
Agor Aseiniadau
Yn y ddewislen Crwydro’r Cwrs, cliciwch y ddolen Aseiniadau (Assignments).
Ychwanegu Aseiniad
Cliciwch y botwm Ychwanegu Aseiniad (Add Assignment).
Dewis Aseiniad Grŵp
Cliciwch y botwm ticio Mae hwn yn Aseiniad Grŵp (This is a Group Assignment).
Rhoi Graddau’n Unigol
Gallwch chi ddewis rhoi graddau i fyfyrwyr unigol drwy ddewis y blwch ticio Rhoi graddau i bob myfyriwr yn unigol (Assign grades to each student individually).
Os bydd y blwch yn cael ei adael heb ei dicio, bydd pob myfyriwr yn grŵp yn cael yr un radd.
Dewis Set Grwpiau
I ddewis set grwpiau sy’n bodoli’n barod, cliciwch y gwymplen Set Grwpiau (Group Set) [1]. I greu set grŵp newydd, cliciwch y botwm Categori Grŵp Newydd (New Group Category) [2].
Nodyn: Does dim modd defnyddio grwpiau wedi’u creu gan fyfyrwyr ar gyfer Aseiniadau Grŵp ac nid ydynt yn ymddangos yn y gwymplen.
Mynnu Adolygiadau gan Gyd-fyfyrwyr
Mae modd defnyddio adolygiadau gan gyd-fyfyrwyr gydag aseiniadau grŵp. Os ydych chi eisiau rhoi adolygiadau gan gyd-fyfyrwyr, cliciwch y blwch ticio Mynnu Adolygiadau gan Gyd-fyfyrwyr (Require Peer Reviews).
Rhoi Gwahanol Ddyddiadau i Grwpiau
Yn ddiofyn, mae’r aseiniad wedi’i roi i bawb ar eich cwrs. I ychwanegu dyddiadau erbyn a dyddiadau ar gael gwahanol ar gyfer defnyddwyr neu grwpiau penodol ar eich cwrs, cliciwch y botwm Ychwanegu Rhoi I (Add Assign To) [1].
Yna, dechreuwch deipio rhan o enw’r grŵp yn y maes Rhoi i (Assign To) newydd [2]. Cliciwch enw’r grŵp pan mae’n ymddangos [3]. Does dim modd sgrolio drwy restrau.
Gallwch gynnwys mwy nag un myfyriwr yn y maes Rhoi i (Assign To) cyn belled â bod y grwpiau’n cael yr un dyddiadau erbyn a dyddiadau ar gael.
Rhoi i Grŵp yn Unig
I greu aseiniad sydd ddim ond ar gyfer grŵp penodol yn y set grŵp, cliciwch yr eicon Tynnu (Remove) wrth y label Pawb (Everyone) [1].
Dechreuwch deipio enw’r grŵp yn y maes Rhoi i (Assign to) [2]. Cliciwch enw’r grŵp pan mae’n ymddangos [3].
Nodyn: Dim ond os yw’r myfyrwyr yn aelod o grŵp wedi’i neilltuo, yn ddefnyddiwr wedi’i neilltuo, neu os ydych chi’n neilltuo i Pawb (Everyone) neu i Pawb Arall (Everyone Else) y gallant weld yr aseiniad. Fel arall, ni fydd yr aseiniad yn ymddangos ar dudalen Aseiniadau’r (Assignments) myfyriwr. Does dim modd i chi roi graddau i fyfyrwyr sydd heb eu cynnwys yn yr aseiniad, a dydy aseiniadau sydd heb gael eu rhoi i fyfyriwr ddim yn cael eu cynnwys mewn graddau cyffredinol.
Golygu Dyddiadau Erbyn a Dyddiadau Ar Gael
Yn y meysydd dyddiad, rhowch y dyddiad(au) rydych chi’n eu ffafrio gyda’r opsiynau canlynol:
- Dyddiad Erbyn (Due Date) [1]: Gosodwch ddyddiad ac amser cyflwyno’r aseiniad hwn. Bydd y dyddiad erbyn wedi’i lenwi’n barod i chi os ydych chi wedi creu cragen aseiniad, ond gallwch ei newid os oes angen.
- Ar gael o [2]: Gosodwch y dyddiad a’r amser pan fydd yr aseiniad ar gael.
- Tan [3]: Gosodwch y dyddiad a’r amser pan na fydd yr aseiniad ar gael bellach.
Nodyn: O dan y meysydd Dyddiad Erbyn (Due Date) a Dyddiad Ar Gael (Availability Date), mae Canvas yn dangos dyddiad ac amser y gylchfa amser yn ôl y cyd-destun Os ydych chi’n rheoli cyrsiau mewn cylchfa amser wahanol i’ch cylchfa amser leol ac yn creu neu’n golygu dyddiad erbyn aseiniad, yna mae amser y cwrs a’r amser lleol yn cael eu dangos er gwybodaeth.
Tynnu Dyddiadau
Hefyd, gallwch ddileu dyddiadau ychwanegol drwy glicio’r ddolen Clirio (Clear) wrth y dyddiad perthnasol.
Cadw a Chyhoeddi
Os ydych chi’n barod i gyhoeddi eich aseiniad, cliciwch y botwm Cadw a Chyhoeddi (Save & Publish) [1]. Os ydych chi am greu drafft o’ch aseiniad a’i gyhoeddi rywbryd eto, cliciwch y botwm Cadw (Save) [2].
Gweld Gwall Dyddiad
Os wnewch chi gyflwyno llinyn annilys o ddyddiadau erbyn a cheisio cadw’r aseiniad, yna bydd Canvas yn cynhyrchu hysbysiad gwall. Mae cofnodion annilys o’r fath yn cynnwys peidio datgloi’r aseiniad mewn pryd, peidio gosod y dyddiad erbyn o fewn ystod y dyddiadau ar gael, neu osod dyddiad sydd y tu allan i ddyddiadau’r cwrs neu’r tymor.
Cywirwch y dyddiad ac wedyn diweddarwch yr aseiniad eto.
Nodiadau:
- Os nad yw’r cwrs yn cynnwys dyddiadau dechrau a gorffen penodol, yna bydd Canvas yn dilysu’r aseiniad yn erbyn y dyddiad tymor sydd wedi’i osod ar gyfer y cwrs.
- Os yw eich cwrs yn defnyddio Mwy nag Un Cyfnod Graddio (Multiple Grading Periods), yna mae’r maes Rhoi (Assign) yn dilysu’r dyddiad erbyn yn erbyn y cyfnod graddio sydd wedi dod i ben, ac mae gofyn i ddyddiad yr aseiniad fod ar ôl dyddiad y cyfnod graddio sydd wedi dod i ben.
Gweld Dyddiadau Aseiniad
Gallwch weld y dyddiadau a’r defnyddwyr sydd wedi’u hychwanegu at yr aseiniad.
Gweld Tudalen Aseiniadau
Ar y Dudalen Mynegai Aseiniadau (Assignments Index Page), mae’r aseiniad yn ymddangos. Os oes mwy nag un defnyddiwr a dyddiad wedi’u rhoi i’r aseiniad, gallwch chi hofran dros y testun i weld y dyddiadau sydd ar gael.
Ar eu tudalen aseiniadau, gall myfyrwyr weld eu haseiniadau grŵp ynghyd â phob aseiniad arall.
Gall myfyrwyr gael rhagor o wybodaeth am ddefnyddio grwpiau fel myfyriwr a chyflwyno aseiniadau ar ran y grŵp.
