Yn yr adran Blwch Derbyn, gallwch anfon neges at un defnyddiwr neu fwy nag un defnyddiwr mewn cwrs.
Os yw eich rhestr derbynwyr yn cynnwys mwy na 100 o ddefnyddwyr, bydd eich neges yn cael ei hanfon yn awtomatig fel neges unigol at bob defnyddiwr. Byddwch chi, fel yr anfonwr, hefyd yn cael eich cynnwys yng nghyfanswm y derbynwyr.
Sylwch:
- Ni allwch anfon negeseuon at ddefnyddwyr mewn mwy nag un cwrs ar hyn o bryd.
- Gallwch hefyd anfon neges atoch chi eich hun, ond dim ond yn y ffolder Negeseuon a Anfonwyd y bydd modd gweld y negeseuon hyn.
- Bydd defnyddwyr yn ymddangos yn yr adran sgyrsiau ar ôl iddyn nhw ymrestru ar y cwrs, ac ni all defnyddwyr ymuno â chwrs oni bai ei fod wedi'i gyhoeddi.
- Ar ôl i gwrs ddod i ben, ni fyddwch yn gallu anfon negeseuon at fyfyrwyr ar y cwrs hwnnw mwyach. Fodd bynnag, gallwch chi ymateb i negeseuon gan ddefnyddwyr sydd â rolau Athro, Cynorthwyydd Dysgu a Dylunydd mewn cyrsiau sydd wedi dirwyn i ben.
Agor Blwch Derbyn
Yn y ddewislen Crwydro’r Safle Cyfan, cliciwch y ddolen Blwch Derbyn (Inbox).
Creu Neges
Cliciwch yr eicon Creu.
Nodyn: Gallai’r bar offer edrych yn wahanol os yw’r gweinyddwr wedi galluogi’r ymateb awtomatig neu’r llofnod. I gael rhagor o wybodaeth, ewch i Sut i reoli gosodiadau fy Mlwch Derbyn fel addysgwr?
Dewis Cwrs
Yn y gwymplen Cyrsiau (Courses), dewiswch i ba gwrs rydych chi am anfon eich neges.
Ychwanegu Defnyddiwr
I ychwanegu defnyddiwr, gallwch chwilio am y defnyddiwr yn y maes At [1] neu gallwch ddefnyddio’r Llyfr Cyfeiriadau[2].
Chwilio am Ddefnyddiwr
I chwilio am ddefnyddiwr, teipiwch enw'r defnyddiwr yn y maes At (To). Bydd Canvas yn nodi’n awtomatig yr enwau sy’n cyfateb. Os bydd mwy nag un enw yn ymddangos, defnyddiwch y bysellau saeth i ddewis enw'r defnyddiwr. Wedyn pwyswch y fysell Enter. Bydd enw’r defnyddiwr yn ymddangos yn y maes At (To), mewn lliw glas golau.
Os byddwch chi’n dewis y defnyddiwr anghywir mewn camgymeriad, pwyswch y fysell Dileu (Delete) neu’r fysell Backspace ar fysellfwrdd MAC neu PC i dynnu’r defnyddiwr.
Gallwch hefyd hofran dros enw defnyddiwr a chlicio’r x gwyn i dynnu’r defnyddiwr o’r rhestr.
Ychwanegu Mwy nag Un Defnyddiwr
I anfon neges at fwy nag un defnyddiwr, teipiwch enwau’r defnyddwyr yn y maes At (To).
Nodyn: Os oes gennych chi restr faith o dderbynwyr, dim ond pum llinell fydd y maes At (To) yn eu dangos cyn galluogi’r modd sgrolio. Os byddwch chi’n dewis y blwch ticio Anfon negeseuon unigol (Send individual messages), bydd negeseuon unigol yn cael eu creu ar gyfer pob derbynnydd.
Defnyddio’r Llyfr Cyfeiriadau
I ddewis defnyddiwr o’r llyfr cyfeiriadau, cliciwch y botwm Llyfr Cyfeiriadau (Address Book) [1]. Yn y llyfr cyfeiriadau, dewch o hyd i rôl y defnyddiwr [2] ac wedyn dewis enw’r defnyddiwr [3]. Caiff yr enwau eu trefnu yn ôl cyfenw.
I fynd yn ôl at gofrestr y cwrs, defnyddiwch yr eicon saeth [4].
Sylwch:
- Bydd defnyddwyr sydd â rôl bersonol yn ymddangos yn y llyfr cyfeiriadau o dan y rôl a bennwyd fel y math sylfaenol ar gyfer y rôl bersonol honno.
- Ni fydd defnyddwyr â rôl Dylunydd (neu rôl bersonol gyda Dylunydd fel y math sylfaenol) yn ymddangos yn y llyfr cyfeiriadau. Gallwch anfon neges at ddylunydd cwrs drwy deipio enw’r defnyddiwr yn y maes At (To).
Ychwanegu Mwy nag Un Defnyddiwr
I anfon neges at fwy nag un defnyddiwr yn y llyfr cyfeiriadau, pwyswch y fysell ‘command’ (Mac) neu’r fysell ‘control’ (Windows) a chlicio enw pob defnyddiwr yr hoffech chi ei ychwanegu at eich neges. Bydd pwyso’r fysell yn cadw ffenestr y gofrestr ar agor.
Anfon Neges
Yn y maes llinell pwnc (subject line) [1], rhowch linell pwnc ar gyfer eich neges.
Os ydych chi’n anfon eich neges at fwy nag un defnyddiwr, ond nad ydych am i bob defnyddiwr weld pwy arall sydd wedi'i gynnwys yn y neges, cliciwch y blwch ticio Anfon neges unigol at bob derbynnydd (Send an individual message to each recipient) [2]. Os yw’ch neges yn cynnwys dros 100 o dderbynwyr (gan eich cynnwys chi fel anfonwr), bydd y blwch ticio hwn yn cael ei ddewis yn ddiofyn.
Teipiwch eich neges yn y maes neges (message) [3]. Caiff yr holl gynnwys ei anfon mewn testun plaen. Nodwch, os byddwch chi’n cynnwys URL yn eich neges, bydd yr URL yn cael ei droi’n awtomatig yn ddolen y mae modd ei chlicio ar ôl i chi anfon y neges.
Os ydych chi am gynnwys atodiad neu ffeil cyfryngau, cliciwch yr eiconau atodiad neu ffeil cyfryngau [4].
Pan fyddwch chi wedi gorffen, cliciwch y botwm Anfon (Send) [5].
