Gallwch greu cyhoeddiad i rannu gwybodaeth bwysig â’r holl ddefnyddwyr ar eich cwrs, a gyda defnyddwyr mewn rhannau o gwrs. Yn eich dewisiadau hysbysiadau, gallwch ddewis derbyn hysbysiadau am gyhoeddiadau wedi’u creu gennych chi, yn ogystal ag ymatebion i'r cyhoeddiadau rydych chi wedi'u creu.
Nodiadau:
- Rhaid i’ch cwrs fod wedi cael ei gyhoeddi er mwyn i fyfyrwyr gael hysbysiadau am gyhoeddiadau. Os byddwch chi’n mewngludo cyhoeddiad o gwrs Canvas arall, ni fydd hysbysiadau cyhoeddiad newydd yn cael eu hanfon at ddefnyddwyr y cwrs.
- Os bydd cyhoeddiad yn cael ei greu cyn dyddiad dechrau’r cwrs a bod y gosodiad Dim ond rhwng y dyddiadau hyn y bydd modd i fyfyrwyr gymryd rhan yn y cwrs wedi’i alluogi, ni fydd myfyrwyr yn derbyn hysbysiadau cyhoeddiadau.
- Nid yw hysbysiadau’n cael eu hanfon ar gyfer cyhoeddiadau sydd wedi’u creu cyn i’r cwrs gael ei gyhoeddi.
- Dydy defnyddwyr yr ap sy’n fyfyrwyr ddim yn gallu gweld cyhoeddiadau ar y dudalen hafan. Ond, maen nhw’n gallu gweld cyhoeddiadau yn adran crwydro Cyhoeddiadau’r cwrs.
Agor Cyhoeddiadau
Yn y ddewislen Crwydro’r Cwrs, cliciwch y ddolen Cyhoeddiadau (Announcements).
Ychwanegu Cyhoeddiad
Cliciwch y botwm Ychwanegu Cyhoeddiad (Add Announcement).
Creu Cyhoeddiad
Teipiwch deitl ar gyfer y cyhoeddiad ym maes pwnc y teitl [1] ac ychwanegu cynnwys yn y Golygydd Cynnwys Cyfoethog [2]. Gallwch hefyd atodi ffeil [3].
Ychwanegu Atodiad
I ychwanegu atodiad i'ch cyhoeddiad, cliciwch y ddolen Atodi (Attach) [1], yna dewiswch ffeil.
Gweld Atodiad
Gweld enw’r ffeil a atodwyd.
Gallwch lwytho’r atodiad i lawr neu ei ddileu. I lwytho’r ffeil a atodwyd i lawr, cliciwch ddolen enw’r ffeil (file name) [1]. I ddileu’r atodiad, hofrwch y cyrchwr dros y ddolen a chliciwch yr eicon Dileu (Delete) [2].
Gosod Hawliau Defnyddio
Os yw’n ofynnol yn eich sefydliad, bydd angen i chi ddewis gosodiadau hawliau defnyddio ar gyfer eich atodiad. I olygu gosodiadau hawliau defnyddio, cliciwch yr eicon Gosod hawliau defnyddio (Set usage rights) [1].
Yn y gwymplen Hawliau Defnydddio (Usage Right) [2], dewiswch un o bum hawl defnyddio. Os ydych chi’n addysgwr ac nad ydych chi’n siŵr pa hawliau defnyddio sy’n berthnasol i’ch ffeil, gofynnwch i weinyddwyr eich sefydliad am gyngor:
- Fi sydd biau’r hawlfraint (cynnwys gwreiddiol sydd wedi’i greu gennych chi)
- Rydw i wedi cael caniatâd i ddefnyddio’r ffeil (caniatâd awdurdodedig gan yr awdur)
- Mae’r deunydd yn y parth cyhoeddus (wedi’i neilltuo’n benodol i’r parth cyhoeddus, nid oes modd ei ro o dan hawlfraint, neu nid yw wedi’i ddiogelu gan hawlfraint mwyach)
- Mae’r eithriad yn berthnasol i'r deunydd - ee defnydd teg, yr hawl i ddyfynnu, neu hawliau eraill o dan y cyfreithiau hawlfraint perthnasol (dyfyniad neu grynodeb yn cael eu defnyddio ar gyfer sylwadau, adrodd y newyddion, ymchwil, neu ddadansoddiad mewn addysg)
- Mae’r deunydd wedi'i drwyddedu o dan Creative Commons; mae’r opsiwn hwn yn golygu gosod trwydded Creative Commons benodol
Os yw’n hysbys, rhowch wybodaeth perchennog yr hawlfraint yn y maes Perchennog yr Hawlfraint (Copyright Holder) [3].
I gadw eich gosodiadau hawliau defnyddio, cliciwch y botwm Cadw (Save) [4]. Gallwch chi olygu gosodiadau hawliau defnyddio drwy glicio’r eicon Gosod hawliau defnyddio.
Dewis Adrannau
Bydd Canvas yn anfon eich cyhoeddiad at bob adran yn eich cwrs yn ddiofyn. I ddewis adrannau penodol ar gyfer eich cyhoeddiad, cliciwch y gwymplen Postio i (Post to) a dewis adrannau o'r rhestr.
Nodiadau:
- Os nad oes gan eich cwrs adrannau, bydd Canvas yn dal i ddangos yr opsiwn Pob Adran, a bydd holl ddefnyddwyr y cwrs yn gallu gweld y cyhoeddiad.
- Mae athrawon a chynorthwywyr dysgu yn cael gwybod am bob Cyhoeddiad cwrs newydd, oni bai eu bod nhw wedi’u cyfyngu o ran Adrannau.
Dewis Opsiynau
Yn yr adran Opsiynau (Options), gallwch ddewis opsiynau amrywiol ar gyfer eich cyhoeddiad.
I adael i ddefnyddwyr eraill ymateb i’r cyhoeddiad, cliciwch y blwch ticio Gadael i Ddefnyddwyr Wneud Sylwadau [1].
I orfodi myfyrwyr i ymateb i neges cyn gweld yr ymatebion eraill, cliciwch y blwch ticio Rhaid i gyfranogwyr ymateb i’r testun cyn gweld yr ymatebion eraill (Participants must respond to the topic before viewing other replies) [2].
I alluogi ffrwd podlediad cyhoeddiad, cliciwch y blwch ticio Galluogi ffrwd podlediad (Enable podcast feed) [3].
I adael i fyfyrwyr hoffi ymatebion i gyhoeddiad, cliciwch y blwch ticio Caniatáu Hoffi (Allow liking) [4].
Sylwch:
- Yn ddiofyn, dydy sylwadau ddim yn cael eu caniatáu mewn cyhoeddiadau oni bai fod tic yn y blwch Gadael i Ddefnyddwyr Wneud Sylw (Allow Participants to Comment).
- Mae'r opsiwn Gadael i Ddefnyddwyr Wneud Sylwadau yn barhaus, sy’n golygu bod yr opsiwn y byddwch chi’n ei ddewis wrth greu neu olygu cyhoeddiad yn cael ei ddefnyddio bob amser wrth i chi greu cyhoeddiad newydd yn y cwrs. Serch hynny, dydy’r opsiwn Rhaid i gyfranogwyr ymateb i’r pwnc cyn gweld atebion eraill ddim yn barhaus.
- Efallai na fydd opsiynau sylwadau ar gael i chi os yw sylwadau cyhoeddiad wedi’u hanalluogi yn eich cwrs. Edrychwch ar Osodiadau eich Cwrs os na allwch chi weld y blychau ticio hyn.
Gosod Dyddiadau Arddangos
Bydd y cyhoeddiad yn ymddangos yn ddiofyn yn syth ar ôl i chi ei gyhoeddi, ac mae’n ymddangos drwy gydol y cwrs oni bai eich bod chi yn ei ddileu. Fodd bynnag, gallwch chi osod dyddiadau arddangos ar gyfer y cyhoeddiad. I nodi pryd y dylai’r cyhoeddiad gael ei arddangos, gosodwch ddyddiad ac amser yn y maes Ar gael o (Available from) [1]. I nodi pryd y dylai’r cyhoeddiad beidio â chael ei arddangos, gosodwch ddyddiad ac amser yn y maes Tan (Until) [2].
Gallwch oedi cyn postio’ch cyhoeddiad, trefnu i wneud y cyhoeddiad ar ddyddiad yn y dyfodol.
Cyhoeddi Cyhoeddiad
Cliciwch y botwm Cyhoeddi (Publish).
Nodyn: Ond bai nad yw’r cyhoeddiad ar gael eto, unwaith y byddwch chi’n clicio ar y botwm Cyhoeddi (Publish), mae eich cyhoeddiad yn cael ei bosio ar unwaith yn eich cwrs.
