Gosodiadau Cwrs yw lle gallwch ddiweddaru a gweld manylion cwrs, adrannau, opsiynau ar gyfer dolenni crwydro, ffurfweddiad apiau allanol, opsiynau nodweddion, ac integreiddiadau.
Yn dibynnu ar eich hawliau, gallwch olygu lefelau gwahanol o osodiadau’r cwrs.
Agor Gosodiadau
Mae'r rhan gosodiadau yn eich cwrs ar gael i addysgwyr yn unig.
Yn y ddewislen Crwydro’r Cwrs, cliciwch y ddolen Gosodiadau (Settings).
Gweld Manylion Cwrs
Yn y tab Manylion Cwrs (Course Details) [1], gallwch weld manylion eich cwrs gan gynnwys ei enw, cod y cwrs, argaeledd storio ffeiliau, ac opsiynau cwrs eraill.
Gallwch chi hefyd weld statws y cwrs [2].
Nodyn: I wybod a oes modd datgyhoeddi cwrs sydd wedi’i gyhoeddi, dylech hofran y cyrchwr dros statws y cwrs. Os nad oes modd datgyhoeddi’r cwrs, bydd y testun hofran yn rhoi gwybod i chi am hynny.
Gweld Adrannau
Yn y tab Adrannau (Sections) gallwch ychwanegu adran at eich cwrs a rheoli ymrestriadau yn yr adran myfyrwyr.
Gweld y Ddewislen Crwydro
Yn y tab Crwydro (Navigation), gallwch addasu’r dolenni Crwydro Cynnwys (Content Navigation) sydd wedi’u rhestru yn eich cwrs. Gallwch lusgo a gollwng er mwyn aildrefnu a chuddio dolenni'r ddewislen crwydro’r cwrs.
Bydd unrhyw Apiau Allanol sydd wedi eu ffurfweddu yn y ddewislen crwydro'r cwrs yn ymddangos yma hefyd.
Gweld Apiau
Os yw eich sefydliad wedi galluogi'r Canvas App Center, yn y tab Apiau (Apps), gallwch weld yr holl adnoddau dysgu allanol sydd ar gael yn Canvas. Fodd bynnag, mae modd i chi ffurfweddu apiau eich hun hefyd.
Gweld Opsiynau Nodweddion
Yn y tab Opsiynau Nodweddion, gallwch alluogi ac analluogi nodweddion Canvas yn eich cwrs os ydynt wedi cael eu rhyddhau gan weinyddwr eich cyfrif.
Gweld Integreiddiadau
Os yw hyn wedi’i alluogi gan eich sefydliad, efallai y byddwch chi hefyd yn gallu gweld y tab Integreiddiadau. O’r tab Integreiddiadau, gallwch chi gysoni data ymrestru i Microsoft Teams.
