Gallwch greu e-Bortffolio newydd yn eich gosodiadau defnyddiwr. Rhaid i chi fod wedi ymrestru am gwrs i greu e-Bortffolio.
Nodiadau:
- Os nad ydych yn gallu gweld y ddolen e-Bortffolio yn eich Cyfrif Defnyddiwr, mae eich sefydliad wedi analluogi'r nodwedd hon.
- Os ydych chi'n defnyddio cyfrif Am-Ddim-i-Athrawon, does dim modd i chi gyhoeddi cwrs nes eich bod chi wedi cadarnhau eich cyfeiriad e-bost.
- Os nad ydych chi’n gweld y botwm Creu e-Bortffolio, efallai fod gennych chi e-Bortffolio sydd wedi cael ei farcio fel sbam. Cysylltwch â'ch gweinyddwr Canvas am ragor o gymorth.
- Mae’r wers hon yn dangos sut i ddefnyddio Canvas ePortfolios yn eich cyfrif defnyddiwr. Os ydy’r ePortfolios yn eich cyfrif defnyddiwr yn edrych yn wahanol i’r lluniau yn y wers hon, dysgwch sut i ddefnyddio Canvas Student ePortfolios.
Agor e-Bortffolios
Yn y ddewislen Crwydro'r Safle Cyfan, cliciwch y ddolen Cyfrif (Account) [1], yna cliciwch y ddolen e-Bortffolios (ePortfolios) [2].
Creu e-Bortffolio
Cliciwch y botwm Creu e-Bortffolio (Create an ePortfolio).
Nodiadau:
- Rhaid i chi fod wedi ymrestru am gwrs i greu e-Bortffolio newydd.
- Os nad yw’r botwm Creu e-Bortffolio i’w weld, efallai fod gennych chi e-Bortffolio sydd wedi cael ei farcio fel sbam. Cysylltwch â'ch gweinyddwr Canvas am ragor o gymorth.
Creu e-Bortffolio
Rhowch enw i'ch e-Bortffolio drwy deipio yn y maes Enw e-Bortffolio (ePortfolio Name) [1]. Penderfynwch os bydd eich e-Bortffolio yn gyhoeddus [2] (gallwch newid y gosodiad hwn rywbryd eto) ac yna cliciwch y botwm Gwneud e-Bortffolio (Make ePortfolio) [3].
Gweld e-Bortffolio
Ar ôl creu'r e-Bortffolio, mae sawl opsiwn ar gyfer creu cynnwys ar gyfer eich portffolio, gan gynnwys dewin fydd yn eich arwain drwy eich portffolio, gam wrth gam.
Gweld Neges Rhybudd
Os ydy eich e-Bortffolio wedi cael ei farcio fel sbam, bydd neges rhybudd yn ymddangos yn eich e-Bortffolio. Ni fyddwch chi'n gallu golygu eich e-Bortffolio nes bod gweinyddwr Canvas yn marcio'r e-Bortffolio'n Ddiogel. Yn ogystal, ni fyddwch chi'n gallu creu unrhyw e-Bortffolios newydd nes bod gweinyddwr Canvas yn marcio'r e-Bortffolio'n ddiogel.
Golygu e-Bortffolio
I olygu gosodiadau eich e-Bortffolio, cliciwch y ddolen Gosodiadau e-Bortffolio (ePortfolio Settings).
Diweddaru e-Bortffolio
Golygwch yr opsiwn enw neu amlygrwydd e-Bortffolio yng Ngosodiadau'r e-Bortffolio [1]. Cliciwch y botwm Diweddaru e-Bortffolio (Update ePortfolio) [2].
