Fel gweinyddwr, gallwch ddewis gosod cyfyngiadau diofyn ar gyfer mynediad myfyrwyr yn eich sefydliad. Mae'r cyfyngiadau hyn yn cynnwys mynediad myfyrwyr at gyrsiau cyn neu ar ôl dyddiadau cymryd rhan y tymor neu'r cwrs. Yn ddiofyn, mae dyddiadau cymryd rhan mewn cwrs wedi'u cyfyngu i ddyddiadau tymor. Fodd bynnag, gallwch chi - yn ogystal â hyfforddwyr yn eich sefydliad - osod dyddiadau cyfranogiad penodol ar gyfer y cwrs. I gael rhagor o wybodaeth, ewch i weld siart rhyngweithiol Gweld Cwrs a Chyfranogiad Myfyriwr (Student Course Visibility and Participation).
I reoli mynediad myfyriwr, gallwch osod y gwerth diofyn ond galluogi addysgwyr a gweinyddwyr is-gyfrifon i olygu mynediad ar gyfer y cwrs ac is-gyfrifon yn ôl yr angen, neu gallwch osod a chloi’r gosodiad mynediad myfyrwyr ar gyfer y sefydliad cyfan. Mae gosodiadau’r blwch ticio ar lefel y cyfrif yn cael eu trosglwyddo i’r is-gyfrif a lefelau’r cwrs fel gwerthoedd diofyn.
Atal myfyrwyr rhag gweld cwrs cyn y dyddiad dechrau: Pan fydd myfyriwr yn ymrestru ar gwrs yn y dyfodol, bydd y cwrs yn ymddangos yn yr adran Ymrestriadau yn y Dyfodol (Future Enrollments) yn y rhestr Cyrsiau myfyrwyr (student Courses). Ar ôl i gwrs gael ei gyhoeddi, mae’r cwrs yn dangos gwahoddiad i ymuno â’r cwrs, lle gall y myfyrwyr weld cynnwys y cwrs ar unrhyw adeg cyn i’r cwrs ddechrau. Fodd bynnag, pan fydd y cyfyngiad myfyriwr ar gyfer dyddiad dechrau cyfranogiad y cwrs wedi'i alluogi, ni all myfyrwyr weld dolen i'r cwrs tan y dyddiad dechrau, hyd yn oed os bydd y cwrs wedi’i gyhoeddi.
Atal myfyrwyr rhag gweld cyrsiau yn y dyfodol yn y rhestr ymrestriadau: Pan fydd myfyriwr yn ymrestru ar gwrs yn y dyfodol, bydd y cwrs yn ymddangos yn yr adran Ymrestriadau yn y Dyfodol (Future Enrollments) yn y rhestr Cyrsiau myfyrwyr (student Courses). Fodd bynnag, pan fydd yr opsiwn gweld cyrsiau cyn y cyfyngiad dyddiad dechrau wedi’i alluogi, bydd ail opsiwn yn ymddangos i dynnu’r ymrestriad yn y dyfodol yn llwyr o’r rhestr Cyrsiau (Courses). Gellir galluogi'r gosodiad hwn hefyd i gadw myfyrwyr rhag gwybod eu bod wedi ymrestru ar gwrs gyda dyddiad dechrau cyfranogiad yn y dyfodol.
Atal myfyrwyr rhag gweld cwrs ar ôl y dyddiad gorffen: Ar ôl i gwrs ddod i ben, gall myfyrwyr weld y cwrs o hyd ond bydd yr holl gynnwys yn ymddangos mewn cyflwr darllen-yn-unig. Fodd bynnag, pan fydd y cyfyngiad myfyriwr ar gyfer dyddiad gorffen y cwrs wedi’i alluogi, ni all myfyrwyr weld y cwrs yn y rhestr Cyrsiau (Courses) ar ôl i’r cwrs ddod i ben. Gellir defnyddio'r gosodiad hwn os yw eich sefydliad yn defnyddio'r cwrs ar draws sawl tymor ac am gyfyngu myfyrwyr rhag cyrchu cynnwys blaenorol ar gyfer myfyrwyr yn y dyfodol, neu os oes rhaid i fyfyrwyr ailgofrestru ar y cwrs.
Nodyn: Er bod unrhyw ddyddiadau adran sydd wedi newid yn gwrth-wneud dyddiadau cwrs, ni ellir gosod cyfyngiadau i fynediad myfyrwyr ar lefel yr adran, ac mae opsiynau cyfyngu yn berthnasol i bob adran o fewn y cwrs.
Agor Cyfrif
Yn y ddewislen Crwydro'r Safle Cyfan, cliciwch y ddolen Gweinyddwr (Admin) [1], yna cliciwch enw’r cyfrif [2].
Agor Gosodiadau Cyfrif
Yn y ddewislen Crwydro’r Cyfrif, cliciwch y ddolen Gosodiadau (Settings).
Gweld Opsiynau Cyfyngu
Yn y tab Gosodiadau Cyfrif (Account Settings), dewch o hyd i’r opsiynau cyfyngu cwrs.
Yn ddiofyn, nid yw blychau ticio ar gyfer mynediad myfyrwyr wedi’u dewis, sy'n golygu y gall myfyrwyr weld dolen i unrhyw gwrs a gofrestrir yn y dyfodol (ar ôl iddynt dderbyn eu gwahoddiad cwrs), neu gwrs sydd wedi dirwyn i ben, ym mhob is-gyfrif a chwrs. Yn ogystal, yn ddiofyn, nid yw’r blychau ticio clo wedi’u dewis, sy’n golygu y gall gweinyddwyr ac athrawon is-gyfrifon ddiystyru’r gosodiad hwn ar gyfer is-gyfrif neu gwrs.
I gadw’r rhagosodiadau hyn ar gyfer y sefydliad cyfan, peidiwch â dewis unrhyw flychau ticio.
Nodiadau:
- Mae'r blychau ticio i atal myfyrwyr yn gosod rhagosodiad ar gyfer pob cwrs newydd sy'n cael ei greu yn y cyfrif, yn ogystal â dyddiadau diystyru adrannau.
- Mae’r gosodiadau cloi yn berthnasol ar unwaith i’r holl gyrsiau presennol a’r dyddiadau diystyru adrannau yn y cyfrif.
Atal Myfyrwyr cyn y Dyddiad Dechrau
I osod gosodiad diofyn ar gyfer y cyfrif fel na fydd myfyrwyr yn gallu gweld dolen i’r cwrs cyn y dyddiad dechrau, cliciwch y blwch ticio Rhwystro myfyrwyr rhag gweld cwrs cyn y dyddiad dechrau (Restrict students from accessing courses before start date) [1]. Pan fydd y cwrs wedi’i ddewis, ni fydd ar gael cyn dyddiad dechrau’r cwrs. Os yw dyddiadau cymryd rhan mewn cwrs wedi'u gosod i ddilyn dyddiadau'r tymor, mae dyddiad dechrau'r cwrs yn berthnasol i ddyddiad dechrau'r tymor.
Os ydych chi am gloi’r gosodiad diofyn ar gyfer is-gyfrifon a chyrsiau, a rhoi’r newid ar waith ar unwaith, cliciwch y blwch ticio Cloi’r gosodiad hwn ar gyfer is-gyfrifon a chyrsiau (Lock this setting for sub-accounts and courses) [2].
Galluogi Myfyrwyr i Gael Mynediad Cyn y Dyddiad Dechrau
I osod gosodiad diofyn ar gyfer y cyfrif er mwyn i fyfyrwyr fod yn gallu gweld dolen i’r cwrs cyn y dyddiad dechrau, peidiwch â dewis y blwch ticio Rhwystro myfyrwyr rhag gweld cwrs cyn y dyddiad dechrau (Restrict students from accessing courses before start date) [1], yn hytrach dewiswch y blwch ticio Cloi’r gosodiad hwn ar gyfer is-gyfrifon a chyrsiau (Lock this setting for sub-accounts and courses) [2].
Cyfyngu Cwrs mewn Rhestr Ymrestriadau
Pan fyddwch yn atal myfyrwyr rhag cael gafael ar gyrsiau cyn y dyddiad dechrau (start date) [1], gallwch hefyd atal myfyrwyr rhag gweld cyrsiau yn y dyfodol yn eu rhestr Ymrestriadau (Enrollments).
Os nad ydych chi eisiau i fyfyrwyr weld eu bod wedi cael eu cofrestru ar gwrs yn y dyfodol, dewiswch y blwch ticio Atal myfyrwyr rhag gweld cyrsiau yn y dyfodol yn y rhestr ymrestriadau (Restrict students from viewing future courses in enrollments list) [2].
Os ydych chi am gloi’r gosodiad diofyn ar gyfer is-gyfrifon, a rhoi’r newid ar waith ar unwaith, cliciwch y Blwch ticio Cloi’r gosodiad hwn ar gyfer is-gyfrifon a chyrsiau (Lock this setting for sub-accounts checkbox) [3].
Atal Myfyrwyr ar ôl y Dyddiad Gorffen
I osod gosodiad diofyn ar gyfer y cyfrif fel na fydd myfyrwyr yn gallu cael mynediad at y cwrs ar ôl dyddiad gorffen y cwrs, cliciwch y blwch ticio Atal myfyrwyr rhag gweld cwrs ar ôl y dyddiad gorffen (Restrict students from viewing courses after end date) [1]. Pan fydd y cwrs wedi’i ddewis, ni fydd ar gael ar ôl dyddiad gorffen y cwrs. Os yw dyddiadau cymryd rhan mewn cwrs wedi'u gosod i ddilyn dyddiadau'r tymor, mae dyddiad gorffen y cwrs yn berthnasol i ddyddiad gorffen y tymor.
Os ydych chi am gloi’r gosodiad diofyn ar gyfer is-gyfrifon a chyrsiau, a rhoi’r newid ar waith ar unwaith, cliciwch y blwch ticio Cloi’r gosodiad hwn ar gyfer is-gyfrifon a chyrsiau (Lock this setting for sub-accounts and courses) [2].
Galluogi Myfyrwyr i Gael Mynediad ar ôl y Dyddiad Gorffen
I osod gosodiad diofyn ar gyfer y cyfrif er mwyn i fyfyrwyr fod yn gallu cael mynediad at y cwrs ar ôl dyddiad gorffen y cwrs, peidiwch â dewis y blwch ticio Atal myfyrwyr rhag gweld cwrs ar ôl y dyddiad gorffen (Restrict students from accessing courses after end date) [1], yn hytrach dewiswch y blwch ticio Cloi’r gosodiad hwn ar gyfer is-gyfrifon a chyrsiau (Lock this setting for sub-accounts and courses) [2].
Diweddaru Gosodiadau
Cliciwch y botwm Diweddaru Gosodiadau (Update Settings).
