Ble ydw i’n dod o hyd i URL fy sefydliad er mwyn defnyddio Canvas?
Gallwch chi gael mynediad at Canvas drwy URL Canvas sefydliad, gwefan eich ysgol, neu ap symudol Canvas.
Gallwch chi gael mynediad at Canvas Network a chyfrifon Free-For-Teacher drwy URL sydd ddim yn benodol i sefydliad.
Dysgwch fwy am ofynion cyfrifiadur a phorwr Canvas, safonau hygyrchedd, a’r ieithoedd y mae Canvas yn gallu delio â nhw.
Nodiadau:
- I ddysgu mwy am Canvas, ewch i ganllawiau Nodweddion Sylfaenol Canvas neu ganllawiau Fideo Canvas.
- Gallwch chi hefyd ddysgu mwy am sut i ddefnyddio Canvas fel myfyriwr drwy’r canllawiau Crwydro'r Safle Cyfan i Fyfyrwyr, neu fel athro drwy'r canllawiau Crwydro'r Safle Cyfan i Addysgwyr.
Dod o hyd i URL Canvas eich ysgol
Er mwyn chwilio a chanfod URL Canvas eich sefydliad neu’ch ysgol, defnyddiwch y dudalen chwilio Canvas URL. Rhowch enw eich ysgol ar y dudalen chwilio a byddwch mor benodol â phosibl. Gallwch chi hefyd ddefnyddio enwau eraill ar gyfer eich ysgol, fel enw rhanbarth eich ysgol, byrfoddau, neu enwau hirach sefydliadau.
Mynediad Gwe Canvas
Gallwch chi gael gafael ar Canvas drwy URL Canvas penodol i sefydliad. Mae URLs Canvas yn defnyddio un o’r strwythurau canlynol: [enw eich sefydliad].instructure.com neu canvas.[enw eich sefydliad].edu.
Efallai y bydd rhai sefydliadau yn caniatáu mynediad at Canvas drwy system awdurdodi penodol i sefydliad sy’n ailgyfeirio i Canvas, fel gwefan neu borth myfyrwyr ysgol.
Cyfrifon Canvas Network a Free-For-Teacher
Nid yw cyfrifon Canvas Network a Free-For-Teacher yn dilyn y strwythur URL penodol i sefydliad.
- Gallwch chi gael mynediad at gyfrifon Canvas Network yn learn.canvas.net.
- Gallwch chi gael mynediad at gyfrifon Free-For-Teacher yn canvas.instructure.com.
Mynediad at Ap Symudol
Mae cynnyrch Instructure wedi’u hoptimeiddio ar gyfer ymddangos ar fyrddau gwaith. Ond, os ydych chi’n defnyddio dyfais symudol, gallwch chi gael mynediad at gynnyrch Instructure drwy ddefnyddio rhaglen symudol (ap) neu borwr symudol. I gael y profiad gorau fel defnyddiwr, llwythwch i lawr a defnyddio ap symudol y cynnyrch sy’n berthnasol i’ch rôl defnyddiwr: Canvas Teacher, Canvas Student, neu Canvas Parent gan ddefnyddio dyfais Android neu iOS.
Mewn ap symudol, gallwch chi chwilio am eich sefydliad ar dudalen fewngofnodi’r ap neu roi URL Canvas eich sefydliad eich hun.
