Yn Canvas Studio gallwch chi recordio cipio sgrin gan ddefnyddio porwr Safai neu Firefox. Mae modd cipio sgrin o unrhyw dudalen yn eich cyfrif. Gallwch chi ddefnyddio’r adnodd cipio sgrin i recordio cyfryngau am unrhyw hyd, yn dibynnu ar gof eich cyfrifiadur.
Dysgwch sut mae recordio fideo cipio sgrin Canvas Studio gyda phorwr Chrome neu Edge.
Nodiadau:
- Y rhaglen cipio sgrin trydydd parti y mae Canvas yn gallu delio â hi yw Screencast-o-Matic (a elwir hefyd yn ScreenPal).
- I gael rhagor o wybodaeth am swyddogaeth y rhaglen cipio sgrin, ewch i fideos tiwtorial Screencast-o-Matic.
- I gael rhagor o wybodaeth am sut mae darllenwyr sgrin yn gweithio gyda fideo cipio sgrin, ewch i Hygyrchedd yn Studio.
- Os ydych chi’n defnyddio cyfrifiadur Mac, addaswch y gosodiadau Diogelwch a Phreifatrwydd yn Newisiadau System eich Mac i ganiatáu recordio sgrin, a diweddaru eich Mac OS (system weithredu) i fersiwn 10.13 neu ddiweddarach.
- Fel gweinyddwr, efallai y byddwch chi’n gallu gosod y rhaglen cipio sgrin ar gyfer cyfrifiaduron Microsoft Windows.
- Os ydych chi’n defnyddio Chromebook, dysgwch am recordio fideo cipio sgrin ar Chromebook.
Agor Cipio Sgrin
Cliciwch y gwymplen Creu (Create) [1]. Yna cliciwch y ddolen Cipio Sgrin (Screen Capture) [2].
Llwytho i Lawr a Gosod Rhaglen Cipio Sgrin
I recordio’r sgrin, llwythwch y rhaglen cipio sgrin i lawn a’i gosod. I lwytho’r rhaglen i lawr, cliciwch y botwm Llwytho i lawr (Download).
Nodyn: Os ydych chi wedi llwytho fersiwn gwahanol o’r rhaglen cipio sgrin i lawr, bydd angen i chi ddadosod y fersiwn flaenorol a llwytho’r fersiwn fwyaf diweddar i lawr o Studio.
Caniatáu Lansiwr Recordiwr Sgrin
I lansio’r recordiwr sgrin, cliciwch y ddolen Caniatáu (Allow).
Gweld Gosodiadau Cipio
I reoli gosodiadau cipio sgrin, cliciwch yr eicon Gosodiadau (Settings) [1].
Yn ddiofyn, mae’r opsiwn recordio sgrin wedi’i ddewis [2]. I recordio gan ddefnyddio gwe-gamera, cliciwch yr opsiwn Gwe-gamera (Webcam) [3]. I recordio gan ddefnyddio cipio sgrin a’ch gwe-gamera, cliciwch yr opsiwn Y Ddau (Both) [4]
Gallwch chi osod maint personol ar gyfer y ddelwedd wedi’i recordio, neu gallwch chi recordio sgrin gyfan. I ddewis maint y ddelwedd wedi’i recordio, cliciwch y botwm Maint (Size) [5].
Yn ddiofyn, mae eich gosodiad meicroffon diofyn yn cael ei ddefnyddio i recordio sain. I newid y meicroffon, cliciwch y botwm Adroddiad (Narration) [6].
Yn ddiofyn, mae sain y cyfrifiadur wedi’i ddiffodd. I alluogi recordio synau system, cliciwch y botwm Sain Cyfrifiadur (Computer Audio) [7].
I reoli dewisiadau recordio ychwanegol, gan gynnwys rheoliadau bysellfwrdd, bysellau hwylus, a gosodiadau cyrchwr, cliciwch y botwm Dewisiadau (Preferences) [8].
Rheoli Rheoliadau Ysgrifennu a Nesáu
I agor y bar offer ysgrifennu a nesáu, cliciwch yr eicon Ysgrifennu (Draw) [1].
I ddefnyddio adnoddau ysgrifennu a nesáu, defnyddiwch yr eiconau yn y bar offer [2].
I gael rhagor o wybodaeth am adnoddau ysgrifennu a nesáu a rhestr o fyselli hwylus, cliciwch yr eicon Gwybodaeth (Information) [3].
Recordio Cipio
Cliciwch y botwm Recordio (Record).
Rhewi Recordiad
Cliciwch y botwm Rhewi (Pause).
Rhagweld a Rheoli Recordiad
I weld rhagolwg o’r cipio sgrin, cliciwch y botwm Chwarae (Play) [1].
Mae’r stamp amser yn dangos [2]. I symud ymlaen ac yn ôl trwy’r fideo, cliciwch y botymau ymlaen ac yn ôl [3].
I ailddechrau’r recordiad, cliciwch y botwm Recordio (Record) [4].
I lwytho’r cipio sgrin i fyny, cliciwch y botwm Wedi gorffen (Done) [5].
I ddileu’r cipio sgrin a dechrau eto, cliciwch y botwm Dileu (Delete) [6]
Llwytho Cipio Sgrin i Fyny
Rhowch enw ar gyfer y cipiad yn y maes Teitl (Title) [1] a disgrifiad byr o’r cipiaad yn y maes Disgrifiad (Description) [2]. Yna, cliciwch y botwm Llwytho i fyny (Upload) [3].
I olygu’r cipiad, cliciwch y ddolen Golygu (Edit) [4].
I ddileu’r ffeil a dechrau cipio o'r newydd, cliciwch y ddolen Ailwneud (Redo) [5].
I ganslo’r cipiad, cliciwch y botwm Canslo (Cancel) [6].
Dychwelyd i Ffeiliau wedi’u Llwytho i Fyny
Cliciwch y botwm Bwrw ymlaen (Continue).
Gweld Cipio Sgrin
Yn y dudalen Fy Llyfrgell, mae’r cipiad sgrin i’w weld. Ar ôl gorffen prosesu, gallwch chi reoli’r holl osodiadau a rheoliadau.
